धुळे शहरात राज्यात सर्वाधिक रक्तसंकलन! चार हजारहून अधिक बाटल्या जमा

मुख्यमंत्री देवेंद्र फडणवीस यांच्या वाढदिवसानिमित्त आयोजित महारक्तदान शिबिराला धुळेकरांनी उत्स्फूर्त प्रतिसाद दिला. या उपक्रमात शहरातील एकूण ४,३१३ बाटल्या रक्तसंकलन झाले असून, सर्वाधिक रक्तसंकलन करून खंडेराव महाराज मंदिर केंद्राने पहिला क्रमांक पटकावला.

शहरातील जुन्या आग्रा रोडवरील खंडेराव महाराज मंदिर केंद्राने ५७३ बाटल्या रक्तसंकलन करून या शिबिरात आघाडी घेतली. या केंद्राचे आयोजक एबी फाउंडेशनचे कमलेश देवरे, विकी परदेशी, आकाश साखला आणि रोहित चांदोडे यांनी मोठ्या प्रमाणात जनजागृती करत रक्तदात्यांपर्यंत पोहोचण्याचे प्रयत्न केले, ज्याला नागरिकांनी भरभरून प्रतिसाद दिला. द्वितीय क्रमांकाचे स्थान मरिमाता चौक, गल्ली क्रमांक ४ येथील केंद्राने मिळवले. त्यांनी ५३६ बाटल्या रक्तसंकलन केले. या केंद्राचे आयोजक चेतन गवळी होते. तृतीय क्रमांकावर दत्तमंदिर चौक येथील केंद्र राहिले, ज्यांनी ४५१ बाटल्या रक्तदान करून उल्लेखनीय योगदान दिले. येथे प्रथमेश गांधी आणि मोहित देसले यांनी आयोजनाची जबाबदारी सांभाळली.

धुळे शहरातील केंद्रनिहाय रक्तसंकलन :-

यावेळी एकूण ३० हून अधिक ठिकाणी आयोजित शिबिरांमध्ये रक्तदात्यांनी मोठ्या प्रमाणात सहभाग नोंदवून समाजासाठी आपले कर्तव्य पार पाडल्याचे उदाहरण ठेवले. या उपक्रमामुळे शहरात रक्तसाठा मोठ्या प्रमाणात वाढण्यास मदत झाली असून, गरजू रुग्णांसाठी ही मोठी सामाजिक देणगी ठरणार आहे.